ദോഹ:സാഹചര്യങ്ങളുടെ തേട്ടമനുസരിച്ച്‌ ഉണര്‍‌ന്നും ഉയര്‍‌ന്നും പ്രവര്‍‌ത്തിക്കാനുള്ള സന്നദ്ധതയുള്ള സമര്‍പ്പണ ബോധമുള്ള ഒരു സം‌ഘത്തിന്റെ സാരഥിയായി സേവനമനുഷ്‌ഠിക്കാനായതില്‍ ഏറെ സന്തുഷ്‌ഠവാനാണ്‌.ആര്‍.വി അബ്‌ദുല്‍ മജീദ്‌ പറഞ്ഞു. ഉദയം പഠനവേദിയുടെ പ്രത്യേക പ്രവര്‍‌ത്തക സമിതിയില്‍ ആമുഖ ഭാഷണം നടത്തുകയായിരുന്നു ഉദയം പ്രസിഡണ്ട്‌.ഖത്തറില്‍ ദീര്‍‌ഘകാലം പ്രവാസ ജീവിതം നയിച്ച്‌ കൂടുമാറാനുള്ള ഒരുക്കങ്ങള്‍ പൂര്‍‌ത്തിയായി വരുന്നതായും മജിദ്‌ സാഹിബ്‌ പറഞ്ഞു.തുടര്‍‌ന്നു ഭാവി പരിപടികളും അനുബന്ധ അജണ്ടകളും ചര്‍‌ച്ചയ്‌ക്ക്‌ വിധേയമായി.ഉദയം പഠനവേദി ഖത്തര്‍ ഘടകം പുതിയ പ്രസിഡണ്ടായി എം.എം അബ്‌ദുല്‍ ജലീലിനെ തെരഞ്ഞെടുത്തു.നിലവിലുള്ള വൈസ്‌ പ്രസിഡണ്ട്‌ അസീസ്‌ മഞ്ഞിയിലിനെ കൂടാതെ പുതിയ തലമുറയില്‍ നിന്നും ഒരാളെ തെരഞ്ഞെടുക്കണമെന്നു തിരുമാനിച്ചു.തുടര്‍‌ന്നു ദോഹ വിട്ടു പോകുന്ന മജീദ്‌ സാഹിബിന്റെ പ്രവാസ കാല സൗഹൃദത്തിന്റെയും ഉദയം സം‌ഘാംഗമെന്ന നിലയിലെ സേവന മാതൃകകളുടെയും ഓര്‍മ്മ ചെപ്പുകള്‍ സമിതി അം‌ഗങ്ങള്‍ ഓരോരുത്തരായി സദസ്സില്‍ പങ്കു വെച്ചു.അബ്‌ദുല്‍ ജലീല്‍ എം.എം,അഷറഫ്‌ എന്‍.പി,കുഞ്ഞു മുഹമ്മദ്‌ കെ.എച്ച്‌,അസീസ്‌ മഞ്ഞിയില്‍,ഷാജഹാന്‍ എ.വി,മുക്താര്‍ എം.എം,ഷാജുദ്ധീന്‍ എം.എം,റഫീഖ്‌ വി.എം,ജാസിം എന്‍.പി എന്നിവര്‍ സം‌സാരിച്ചു.ജനുവരി രണ്ടാം വാരം ഒരു യാത്രയയപ്പു യോഗം ക്ഷണിക്കപ്പെട്ടവരുടെ സാന്നിധ്യത്തില്‍ സം‌ഘടിപ്പിക്കാന്‍ തീരുമാനിച്ചു.
സാങ്കേതികമായി പുതിയ അധ്യക്ഷനെ തെരഞ്ഞെടുത്തുവെങ്കിലും ആര്‍.വി അബ്‌ദുല്‍ മജീദ്‌ ദോഹ വിടുന്നതുവരെ തല്‍‌സ്ഥാനം തുടരും.എന്‍.പി അഷറഫിന്റെ വസതിയില്‍ ജനുവരി 9 ശനിയാഴ്‌ച വൈകീട്ട്‌ 08.15 നു തുടങ്ങിയ യോഗം 10.15 ന്‌ അവസാനിച്ചു.വിഭവ സമൃദ്ധമായ അത്താഴ വിരുന്നിനു ശേഷം പിരിഞ്ഞു..
ഉദയം ഇന്റര്‍നാഷണല്‍ ബ്രോഡ്‌കാസിറ്റിങ്
