പ്രവാചക സ്നേഹം

ദോഹ : പ്രവാചക സ്നേഹം ഒരു റബീഉല്‍ അവ്വല്ലില്‍ മാത്രം ഒതുങ്ങി നില്‍ക്കേണ്ടതല്ല.വിശ്വാസിയുടെ ജീവിതത്തിലെ എല്ലാ മേഖലയിലും എല്ലായ്‌പോഴും നിര്‍ബന്ധമായും നിറഞ്ഞു നില്‍ക്കേണ്ട വികാര വായ്പാണ്‌."പ്രവാചകന്റെ ജീവിതവും സന്ദേശവും" എന്ന വിഷയത്തെ അധികരിച്ച് ഉദയം ജനറല്‍ ബോഡിയില്‍ സംസാരിക്കുകയായിരുന്നു അനൂബ്‌.

അല്ലാഹുവിനോടുള്ള മുഹബ്ബത്ത് പ്രവാചകനെ അനുധാവനം ചെയ്യുന്നതിലൂടെയാണ്‌ സാധ്യമാക്കേണ്ടത്. പ്രവാചക ചരിത്രം തങ്കലിപികളാല്‍ കുറിക്കപ്പെട്ട് കിടക്കുന്നുവെങ്കിലും അത് വായിച്ച് പഠിക്കാന്‍ തയാറാകാതെ കേവലമായ വികാരവിക്ഷോപങ്ങള്‍ കൊണ്ട് പൂര്‍ത്തിയാക്കാന്‍ കഴിയുന്നതല്ല പ്രവാചക സ്നേഹം എന്നും അനൂബ്‌ ആഹ്വാനം ചെയ്‌തു.