ദോഹ:ബന്ധിതരാണെന്നറിയുമ്പോളാണ്‌ മോചനത്തെക്കുറിച്ച്‌ പ്രതീക്ഷിക്കുകയുള്ളൂ.വിപ്ലവ ചിന്തകളുണരാന്‍ സ്വാതന്ത്ര്യ ദിനം പ്രേരകമാകട്ടെ.ഉദയം പഠനവേദിയുടെ സ്വാതന്ത്ര്യ ദിന സന്ദേശത്തില്‍ പറഞ്ഞു.സ്വാതന്ത്ര്യവും സംസ്‌കാരവും മാനവികതയും മാനുഷികതയും ഘോര ഘോരം ഗര്‍‌ജ്ജിച്ചു കൊണ്ടിരിക്കുമ്പോഴും മനുഷ്യന്‍ മൃഗങ്ങളേക്കാള്‍ അല്ല അതിലും അധപ്പതിച്ചു പോയ കാലമാണിത്‌.
ഭാരതത്തിന്റെ സുവര്‍‌ണ്ണ നാളുകളില്‍ യോഗികള്‍ തിരിച്ചറിയപ്പെട്ടിരുന്ന കാലത്ത്‌ നിന്നും വിളിച്ചറിയിക്കപ്പെടുന്ന കാലത്തേയ്‌ക്ക് മാറിയതിന്റെ അതി ഭീകര രൂപം അതി ഭയാനകമായി അനുഭവപ്പെടുന്ന കാലത്ത്‌ നീതിയുടേയും ധര്‍‌മ്മത്തിന്റേയും ധ്വജവാഹകര്‍‌ക്ക്‌ ഉത്തരവാദിത്തം വര്‍‌ദ്ധിക്കുകയാണെന്നു നന്മേച്ഛുക്കള്‍ മറന്നു പോകരുത്.സന്ദേശത്തില്‍ വിശദീകരിച്ചു.എല്ലാ ഭാരതീയര്‍‌ക്കും ഉദയം പഠന വേദി ആശംസകള്‍ നേര്‍‌ന്നു.
സ്വാതന്ത്യ ദിനാഘോഷത്തിന്റെ ഭാഗമയി ഉദയം പഠനവേദിയുടെ ഇന്റര്‍ നാഷണല്‍ ഗ്രൂപ്പില്‍ പ്രത്യേക പരിപാടികള്‍ ഒരുക്കിയിട്ടുണ്ട്‌.റഷീദ്‌ പാവറട്ടി,സൈനുദ്ധീന്‍ ഖുറൈഷി,അബ്‌ദുല്‍ ഖാദര്‍ പുതിയ വീട്ടില്‍ തുടങ്ങിയവര്‍ യഥാ സമയം പരിപാടികള്‍ പോസ്റ്റു ചെയ്യും.ഇന്റര്‍ നാഷണല്‍ ഉദയം വക്താവ്‌ അസീസ്‌ മഞ്ഞിയില്‍ പറഞ്ഞു.
