വികലമാക്കുന്നചരിത്രം:മര്‍‌സൂഖ്‌ സെയ്‌തു മുഹമ്മദ്‌.
തെറ്റിദ്ധരിക്കപെട്ട മതം" എന്ന സംജ്ഞ പോലെ "തെറ്റിദ്ധരിക്കപെടുന്ന ചരിത്രവും സംസ്കാരവും" അതിലൂടെ അധിനിവേശപ്പെടുത്തപ്പെടുന്ന സാമൂഹികവസ്ഥയും ഇന്നിന്റെ യാഥാർത്ഥ്യങ്ങളാണ് . കാലം ഒരിക്കലും തീർത്താലും തീരാത്ത കടപ്പാടുള്ള മഹാരഥൻമാർ ജീവനും ജീവിതവും കൊണ്ട് നേടിയ ദേശ സ്നേഹത്തിന്റെയും മാനുഷിക മൂല്യങ്ങളുടെയും പ്രഭാവങ്ങളെ വികലമാക്കി വിദ്വേഷത്തിന്റെ വിത്തുകൾ പാകി തലമുറകളെ തന്നെ തെറ്റിദ്ധരിപ്പിക്കുവാൻ ഊര്‍ജിത ശ്രമങ്ങൾ നടക്കുന്നു.ആടിനെ പട്ടിയാക്കുവാനും പട്ടിയെ മനോരോഗിയാക്കുവാനും നിരന്തരം ശ്രമം നടന്നു കൊണ്ടിരിക്കുന്നു.
.വ്യവസ്ഥിതിയെ നന്മ കൊണ്ട് നേരിടാനാകാതെ വരുമ്പോൾ തിന്മ കൊണ്ട് കുളം കലക്കി തെറ്റിദ്ധാരണയുടെ ആഫ്രിക്കൻ പായലുകൾ സൃഷ്ടിച്ചു മീൻ പിടിക്കുക എന്നത് ഫാസിസത്തിന്റെ ഒരു രീതിയാണ്. ഈയിടെ നടന്ന എല്ലാ വിധ വിധ്വംസക പ്രവർത്തനങ്ങളുടെയും ഗുണഭോക്താവ് ആരെന്നു തിരിച്ചറിയുമ്പോൾ അതിന്റെ പിന്നിലെ കരങ്ങൾ കൂടി തിരിച്ചറിയപ്പെടുന്നു .
ഇത്തരം കലുഷിതമായ സാഹചര്യങ്ങളുടെ ഇടയിൽ വിവേകപൂർണമായ ഒരു ഇടപെടൽ നമ്മുടെ സമുദായത്തിൽ നിന്നുണ്ടാകേണ്ടത് കാലഘട്ടത്തിന്റെ അനിവാര്യതയാണ് . ഉപരിപ്ലവമായ ആശയാദർശ തർക്കങ്ങളിൽപെട്ട് പരസ്പരം ചളി വാരിയെറിയുന്ന സമുദായ നേതൃത്വങ്ങളും അതിനു ഇടവരുത്തുവാൻ സാദാ ശ്രമിക്കുന്ന സമുദായ- സമുദായേതര സംഘടനകളും തിരിച്ചറിയുകയും തിരിച്ചറിയപെടുകയും ചെയ്യേണ്ട സമയമാണിത്. മുഴുവൻ ഫിത്നകളിൽ നിന്നും അള്ളാഹു കാത്തുരക്ഷിക്കുമാറാകട്ടെ..ആമീൻ
മര്‍‌സൂഖ്‌ സെയ്‌തു മുഹമ്മദ്‌.
