ലോകത്തിന്‌ മുമ്പില്‍ സത്യത്തിന്റെയും സമാധാനത്തിന്റെയും സ്‌നേഹത്തിന്റെയും പാത കാണിച്ച അന്ത്യപ്രവാചകന്‍ മുഹമ്മദ്‌ നബി (സ)യുടെ ജന്മദിനാഘോഷവേളയില്‍ നാടും നഗരവും പ്രാദേശിക മഹല്ലുകളും അണിഞ്ഞൊരുങ്ങിയിരുന്നു.
മുല്ലശ്ശേരി മേഖലയിലെ വിവിധ മഹല്ലുകളായ :-പാലുവായ്,പാവറട്ടി,തൈകാട്‌,പുതുമനശ്ശേരി,വെന്മേനാട്‌,പൈങ്കണ്ണിയൂര്‍,പണ്ടാറക്കാട്‌,പെരിങ്ങാട്‌,പാടൂര്‍,തൊയക്കാവ്‌,ഏനാമാവ്‌,മുപ്പട്ടിത്തറ,കണ്ണോത്ത്‌ തുടങ്ങി എല്ലാ മഹല്ലുകളിലും മിലാദുന്നബി സമുചിതമായി ആഘോഷിച്ചു.
------------
തിരുനെല്ലൂര്‍: നബിദിനത്തോടനുബന്ധിച്ച് നൂറുല്‍ ഹിദായ മദ്രസ്സയിൽ നടന്ന പരിപാടിയിൽ ഖത്തര്‍ മഹല്ല്‌ അസോസിയേഷന്‍ തിരുനെല്ലൂര്‍,വിദ്യാര്‍‌ഥികള്‍‌ക്കും സര്‍‌ഗ പ്രതിഭകള്‍‌ക്കും പ്രോത്സാഹന സമ്മാനങ്ങളും ഉപഹാരങ്ങളും നല്‍‌കി.
------------
നബിദിനത്തോടനുബന്ധിച്ച് മദ്രസ്സയിൽ നടന്ന പരിപാടിയിൽ 2018-19 അധ്യയന വർഷത്തിൽ വിവിധ പരീക്ഷകളിൽ ഒന്നാം സ്ഥാനം കരസ്ഥമാക്കിയ വിദ്യാർത്ഥികൾക്ക് നന്മ തിരുനെല്ലൂര്‍ ഉപഹാരങ്ങള്‍ സമ്മാനിച്ചു.
------------
വൈജ്ഞാനിക മണ്ഡലത്തിലെ ആദ്യാക്ഷരങ്ങൾ കുരുന്നുകള്‍‌ക്ക്‌ പകർന്നു നൽകിയ ഉസ്താദുമാർക്ക് Team RABZ തിരുനെല്ലൂര്‍ സ്‌നേഹാദരം സമര്‍‌പ്പിച്ചു.മഹല്ലില്‍ നന്മയുടെ പ്രഭ പരത്തുന്നതില്‍ ഭാഗഭാക്കുകളായ ആദരണീയരായവര്‍‌ക്ക്‌ ഉപഹാരങ്ങളും നല്‍‌കി.
{ചിത്രത്തില്‍ ഉസ്‌താദുമര്‍‌ക്കൊപ്പം മഹല്ല്‌ തിരുനെല്ലൂര്‍ വൈസ്‌ പ്രസിഡന്റ്‌ സൈനുദ്ദീന്‍ ഖുറൈഷിയും ടീം റാബ്‌സ്‌ പ്രതിനിധികളും}
