വെല്‍ഫെയര്‍ പാര്‍ട്ടി സംസ്ഥാന ജനറല്‍സെക്രട്ടറി തെന്നിലാപുരം രാധാകൃഷ്ണന്‍ അന്തരിച്ചു.
പാലക്കാട് : വെല്‍ഫെയര്‍ പാര്‍ട്ടി സംസ്ഥാന ജനറല്‍ സെക്രട്ടറി തെന്നിലാപുരം രാധാകൃഷ്ണന്‍ (71) അന്തരിച്ചു. പാലക്കാട് സ്വകാര്യആശുപത്രിയില്‍ ഇന്ന് ( മാർച്ച് 1 വ്യാഴം) രാവിലെ 10 മണിക്കായിരുന്നു അന്ത്യം. കിഡ്‌നി സംബന്ധമായ അസുഖത്തെത്തുടർന്ന് ചികിത്സയിലായിരുന്നു. മികച്ച സംഘാടകനും വാഗ്മിയുമായ തെന്നിലാപുരം രാധാകൃഷ്ണന്‍ പാലക്കാട് തെന്നിലാപുരം പി.എസ്.ആര്‍ എഴുത്തച്ഛന്റെയും എ പാറുക്കുട്ടിയമ്മ യുടെയും മകനായി 1947 മെയ് 25 ന് ജനനം. കോയമ്പത്തൂര്‍ ആര്യവൈദ്യ ഫാര്‍മസിയില്‍ സേവനമനുഷ്ഠിക്കെ ആര്യവൈദ്യ ഫാര്‍മസി എംപ്ലോയീസ് യൂണിയന്‍ പ്രവര്‍ത്തനത്തിലൂ ടെ രാഷ്ട്രീയരംഗത്ത് സജീവമായി. 1969 ല്‍ സി.പി.ഐ അംഗമായി. എ.ഐ.വൈ.എഫ്. സംസ്ഥാന ജോയിന്‍റ് സെക്രട്ടറിയായും എ.ഐ.ടി.യു.സി സംസ്ഥാന ജോയിന്‍റ് സെക്രട്ടറിയായും സി.പി.ഐ സംസഥാന കമ്മിറ്റി അംഗമായും രണ്ട് തവണ പാലക്കാട് ജില്ലാസെക്രട്ടറിയായും യുവകലാസാഹിതി സംസ്ഥാന ഭാരവാഹിയായും പ്രവര്‍ത്തിച്ചു. കര്‍ഷകസംഘം പാലക്കാട് ജില്ലാ സെക്രട്ടറി, എ.ഐ.ടിയു.സി പാലക്കാട് ജില്ലാ സെക്ര'റി എന്നീ ചുമതലകള്‍ വഹിച്ചു. എ.ഐ.വൈ.എഫ്, എ.ഐ.ടി.യു.സി കര്‍ഷകസംഘം എന്നിവയുടെ ദേശീയ കമ്മിറ്റി അംഗമായും പ്രവര്‍ത്തിച്ചു. ജനയുഗം ഡയറക്ടര്‍, കൊല്ലം ചിറ്റൂര്‍ കോ-ഓപ്പറേറ്റീവ് ഷുഗര്‍ ഫാക്ടറി എംപ്ലോയീസ് യൂണിയന്‍ പ്രസിഡന്‍റ്. പാലക്കാട് ഐ.ആര്‍.സി കമ്മിറ്റിയംഗം, സെന്‍ട്രല്‍ ഗവമെന്‍റിനു കീഴിലുള്ള തൊഴിലാളി വിദ്യാഭ്യാസ പദ്ധതി ഡയറക്ടര്‍, പാലക്കാട് ജില്ലാ വികസന സമിതിയംഗം, രാജീവ്ഗാന്ധി പഞ്ചവത്സര പദ്ധതിയുടെ ജില്ലാ മൈക്രോ കമ്മിറ്റി അംഗം, പ്രഭാത് ബുക്ക് ഹൗസ് ഡയറക്ടര്‍, ദേശീയ സമ്പാദ്യ പദ്ധതിയുടെ സംസ്ഥാന ഉപദേശക സമിതിയംഗം, കമാന്റ് ഏരിയ ഡവലപ്‌മെന്റ് അതോറിറ്റി അംഗം എന്നീ പദവികള്‍ വഹിച്ചു.
പിന്നീട് സി.പി.ഐ വിട്ട അദ്ദേഹം 2012 ല്‍ വെല്‍ഫെയര്‍പാര്‍ട്ടിയില്‍ അംഗമായി. പാര്‍ട്ടിയുടെ സംസ്ഥാന വൈസ് പ്രസിഡന്‍റ്, സംസ്ഥാന ജനറല്‍സെക്രട്ടറി, ദേശീയ ജനറല്‍ കൌണ്‍സില്‍ അംഗം, എഫ്.ഐ.ടി.യു ദേശീയ സമിതി അംഗം എന്നീ നിലകളില്‍ പ്രവര്‍ത്തിച്ചു. പാര്‍ട്ടി മുഖപത്രമായ ജനപക്ഷത്തിന്റെ എഡിറ്റോറിയല്‍ കമ്മിറ്റി അംഗമായിരുന്നു.
പാലക്കാട് സ്വകാര്യ ആശുപത്രിയില്‍ മരണസമയത്ത് ഭാര്യകെ.ആര്‍സുഗുഭ, മകള്‍ രമ്യാകൃഷ്ണന്‍, മരുമകന്‍ രഞ്ജിത്ത് രാമകൃഷ്ണന്‍ എിവര്‍ സന്നിഹിതരായിരുന്നു.
സംസ്കാരം നാളെ (മാർച്ച് 2 , വെള്ളി) രാവിലെ 10 മണിക്ക് പാലക്കാട് നടക്കും.
