ദീര്‍‌ഘകാല സേവനത്തിനു ശേഷം ഖത്തറില്‍ നിന്നും നാട്ടിലേക്ക് മടങ്ങുന്ന ഉദയം പഠനവേദി ഖത്തർ ഘടകം സെക്രട്ടറി നൗഷാദ് തൊയക്കാവ്‌, പ്രവർത്തക സമിതി അംഗം ഷംസുദ്ധീൻ പൈങ്കണ്ണിയൂർ എന്നിവർക്ക് ഉദയം യാത്രയയപ്പ് നൽകി.ഉദയം ഉപാധ്യക്ഷന്റെ വസതിയില്‍ ഒരുക്കിയ പരിപാടിയില്‍,വൈസ് പ്രസിഡണ്ട് അബ്‌‌ദുല്‍ ജലീൽ എം.എം അദ്ധ്യക്ഷത വഹിച്ചു.
അഷ്‌റഫ് എൻ.പി,കുഞ്ഞു മുഹമ്മദ് കെ.എച്ച് ,അബ്‌‌ദുല്‍ ജലീൽ വി.വി, മുക്താർ എം.എം, ഷാജുദ്ദീന്‍ എം.എം, ഷമീർ ഇബ്രാഹിം എന്നിവർ ആശംസകൾ നേര്‍‌ന്ന്‌ സംസാരിച്ചു.സം‌ഗമത്തില്‍ പങ്കെടുക്കാന്‍ സാധിക്കാതിരുന്ന അബ്‌‌ദുല്‍ ഖാദര്‍ പുതിയവിട്ടില്‍,നാജി ഹം‌സ,ജാസ്സിം പാടൂര്‍,സാങ്കേതിക കാരണങ്ങളാല്‍ സം‌ബന്ധിക്കാന്‍ കഴിയാതെ പോയ പ്രവര്‍‌ത്തക സമിതി അം‌ഗങ്ങളും,അവധിയില്‍ നാട്ടിലുള്ള ഉദയം പ്രസിഡന്റ്‌ അസീസ്‌ മഞ്ഞിയില്‍,മര്‍‌സൂക് സെയ്‌തു മുഹമ്മദ് തുടങ്ങിയവരും സന്ദേശങ്ങള്‍ പങ്കുവെച്ചു.നാട്ടിലേക്ക് മടങ്ങുന്ന നൗഷാദ് നന്ദി പ്രകാശിപ്പിച്ചു.
