മുല്ലശ്ശേരി പരിധിയില്‍ തന്നെ എത്രയോ ഉദാഹരണങ്ങള്‍ കാണാന്‍ കഴിയും.മുഹമ്മദ് യാസിര്‍ കേലാണ്ടത്തിന്റെ സിനിമാ സം‌രം‌ഭം എന്ന ആശയം ഒരു പക്ഷെ കോവിഡ്‌ കാലം സമ്മാനിച്ചതത്രെ.എന്നല്ല മുടി എന്ന സിനിമയുടെ കഥാ പശ്ചാത്തലം പോലും കോവിഡ്‌ തന്നെ.
തിരുനെല്ലൂരിലെ അസ്‌‌മ ഷറിന്‍ എന്ന പ്രതിഭയുടെ വരകളിലേക്കുള്ള പശ്ചാത്തലം ഇതു പോലെ കോവിഡ്‌ കാലത്തെ വിരസതയില്‍ നിന്നുള്ള മോചനത്തിന്‌ കണ്ടെത്തിയതാണെന്നു പറയാം.
സുറത്ത് ഇഖ്‌‌ലാസ് - ആയത്തുല്‍ കുര്‍‌സി ഒക്കെ പരിമിതമായ സൗകര്യങ്ങള്‍ ഉപയോഗിച്ച് ചെയ്‌തിട്ടുണ്ട്‌.അറബി കലിഗ്രാഫി എന്ന വിശാലമായ മേഖലയില്‍ കൂടുതല്‍ ചെലവഴിക്കാന്‍ ഈ പഠനകാലത്ത് കഴിഞ്ഞു കൊള്ളണമെന്നില്ല.എങ്കിലും വലിയ ഒരു സാധ്യതയിലേക്കുള്ള അസ്‌‌മയുടെ ചുവടുവെപ്പുകളെ പ്രോത്സാഹിപ്പിക്കാം.ലിറ്റില്‍ ഫ്ലവര്‍ ഗുരുവായൂരില്‍ ബി.എസ്‌.സി ഒന്നാം വര്‍‌ഷ വിദ്യാര്‍‌ഥിനിയായ വളര്‍‌ന്നു വരുന്ന ഈ വരക്കാരി അര്‍.വി അബ്‌ദുല്‍ കബീര്‍ സാഹിബിന്റെ മകളാണ്‌.
